खंडाळा
शिरवळ पोलीस ठाणे हद्दीत दि.१९ रोजी मॉर्निंग स्कॉड पेट्रोलींग दरम्यान इसम नाम समीर मोहम्मद इसाक खान याच्या हालचाली संशयास्पद जाणवल्याने त्यास ताब्यात घेऊन झडती घेतली असता त्याचेकडे एक गावठी बनावटीचे पिस्तुल व एकुण सात जिवंत काडतुसे मिळुन आली आहेत. शिरवळ पोलीस ठाणे हद्दीत मॉर्निंग स्कॉड करीता शिरवळ पोलीस ठाणेचे पोहवा. अंकुश गार्डी यांना नेमणेत आलेले होते. मॉर्निंग स्कॉड दरम्यान त्यांना पुणे ते सातारा जाणारे हायवे रोडलगत असले महापारेषण कंपनी समोर सहस रोडलगत एक इसम त्याचे कडील मोटार सायकलसह मिळुन आला होता. त्याचेकडे प्रथमदर्शनी विचारपुस केली असता त्याच्य हालचाली व हावभाव संशयीत जाणवल्याने पोहवा गार्डी यांनी याबाबत पोलीस निरीक्षक नवनाथ मदने यांना कल्पन दिली. शिरवळ पोलीस ठाणेकडील पोलीस उपनिरीक्षक सतीश आंदेलवार, पोलीस हवालदार जितेंद्र शिंदे, पोलीस हवालदार सचिन वीर, पोकों मोझर यांनी सदर इसमाची अधिक विचारपुस करुन अंगझडती घेतली असता त्याचेकडे एक गावठी बनावटीचे पिस्टर व एकुण सात जिवंत काडतुसे मिळुन आली. सदर इसमाने सदरचे पिस्टल व जीवंत काडतुसे हि बेकायदा आपले कब्ज्या बाळगल्याचे निष्पन्न झालेने त्याचे विरुध्द गुन्हा दाखल करणेत आलेला आहे.याबाबतचा पुढील तपास पोलीस उपनिरीक्षक सतीश आंदेलवार करीत आहेत.
