वाई : अल्पवयीन युवकाचा धारदार शस्त्राने निर्घृण खून
अक्षय शिरसागर / वाई प्रतिनिधी
वाई येथील सिद्धनाथवाडी परिसरात एका अल्पवयीन युवकाचा धारदार हत्याराने वार करून रात्री खून करण्यात आलाय. याबाबत माहिती मिळताच रात्री पासून घटनास्थळी डीवायएसपी शितल जानवे खराडे, पोलीस निरीक्षक बाळासाहेब भरणे, उप निरीक्षक स्नेहल सोमदे गुन्हे प्रकटीकरण विभागाचे सर्व कर्मचारी आणि इतर पोलीस कर्मचारी पोहोचले असून पोलीस तपास सुरू आहे. घटनेची माहिती शहर व परिसरात पसरताच सिद्धनाथवाडी ग्रामस्थांनी परिसरात गर्दी केली आहे. नातेवाईकांच्या आक्रोश सुरू आहे. घटनास्थळी फॉरेन्सिक टीम आणि श्वान पथक दाखल झालं असून पुढील तपास चालू आहे. घटनास्थळावरून मिळालेल्या माहितीनुसार मयत झालेल्या युवकाचे नाव न्यास शिवाजी खरात वय साडेसतरा वर्षे असून तो पोलीस भरतीसाठी प्रयत्न करत होता त्याच कोणाशीही वैर नसल्याचं सांगण्यात आले.
